У Чырвоным касцёле памаліліся за вязняў і зніклых падчас пратэстаў у Беларусі
У Чырвоным касьцёле Менску вернікі ўсіх канфэсій сабраліся на імшу «за ўсіх церпячых у вязьніцах, за тых, хто зьнік у апошні час у Беларусі», піша Свабода.
Падчас імшы ў Чырвоным касьцёле біскуп Юры Касабуцкі згадваў сёньняшнія жорсткія затрыманьні студэнтаў на вуліцы Карла Маркса ў Менску.
«У краіне людзі са страхам глядзяць на людзей, якія павінныя іх абараняць», — казаў сьвятар.
Таксама біскуп Касабуцкі падчас імшы назваў беларускіх жанчын героямі нашага часу.
Вернікі разам памаліліся за вяртаньне ў Беларусь мітрапаліта Кандрусевіча. У парушэньне закона беларускія ўлады не ўпусьцілі яго ў Беларусь.
На сёньняшняй імшы былі замежныя дыпляматы.
Пасьля імшы вернікі выйшлі з Чырвонага касьцёла на працэсію вакол будынку дзеля вяртаньня мітрапаліта Кандрусевіча. Падчас працэсіі вернікі запалілі ліхтарыкі тэлефонаў і прасьпявалі «Магутны божа».
Каментары