Лукашэнка адказаў прэзідэнту Францыі Эмануэлю Макрону на заявы датычна сітуацыі ў Беларусі. БелТА пацікавілася ў прэс-сакратара Лукашэнкі Наталлі Эйсмант яго рэакцыяй на нядаўнія заявы Макрона, зробленыя ім у інтэрв'ю выданню Le Journal du Dimanche. Ён, у прыватнасці, выказаў меркаванне, што ўлада ў Беларусі не можа прыняць «логіку дэмакратыі», быў уражаны «мужнасцю пратэстуючых» і зрабіў выснову, што «Аляксандр Лукашэнка павінен сысці ў адстаўку».
Вось, што адказаў Лукашэнка:
«Першае. Як прэзідэнт краіны, зыходзячы з прынцыпаў самога спадара Макрона (закладзеных у яго заяве-прызыве сысці ў адстаўку), хачу сказаць, што сам прэзідэнт Францыі, па ўласнай логіцы, павінен быў бы сысці ў адстаўку яшчэ два гады таму — калі на вуліцы Парыжа толькі пачалі выходзіць «жоўтыя камізэлькі». Гады ідуць, «камізэлькі» да гэтага часу на вуліцах, спадар Макрон на здзіўленне таксама дагэтуль на пасадзе, а Францыя стала краінай, дзе масавыя пратэсты сталі звыклай з'явай…
Акрамя «жоўтых камізэлек» таксама варта згадаць праблемы Францыі, што перыядычна ўзнікаюць з рухам BLM і мусульманскія пратэсты ў Марселі і Ліёне.
Падсумаваўшы ўсё гэта, Мінск жэстам добрай волі гатовы прапанаваць сябе ў якасці ўніверсальнай перамоўнай пляцоўкі, што даказала сваю эфектыўнасць — для мірнай перадачы ўлады любой з вышэйназваных груп.
Другое. Як вопытны палітык — няспеламу — хачу параіць спадару Макрону менш глядзець па баках і замест гэтага заняцца, нарэшце, унутранымі справамі Францыі. Хаця б пачаць вырашаць праблемы, якіх у краіне было нямала.
І, нарэшце, як чалавек хачу адзначыць, што, як здаецца нам тут, у Беларусі, Эмануэль Макрон занадта шмат увагі надае аднаму з экс-кандыдатаў у прэзідэнты Беларусі. З улікам таго, што гэты экс-кандыдат — дама, французскі лідар рызыкуе да ўнутраных праблем Францыі атрымаць яшчэ і асабістыя — у сябе дома».
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці3
Каментары