Абавязковы масачнны рэжым пасля Полацка ўводзяць і ў Наваполацку
З 12 лістапада з прычыны эпідэміялагічнай сітуацыі ў Наваполацку ўводзіцца абавязковы масачны рэжым, паведамляе novaya.by.
Маскі абавязкова трэба будзе надзяаць, уваходзячы ў крамы, гандлёвыя цэнтры, аб'екты грамадскага харчавання, установы аховы здароўя, культуры, адукацыі, спорту, сацыяльнага абслугоўвання насельніцтва.
Захаванне масачнага рэжыму абавязкова пры наведванні адміністрацыйных будынкаў, аддзяленняў сувязі, пошты, банкаў, аб'ектаў бытавога абслугоўвання, аптэк.
Пасажыры грамадскага транспарту (у тым ліку маршрутных таксі і таксі) павінны быць у масцы.
Тэрміны дзеяння масачнага рэжыму не акрэслены.
Раней масачныя рэжымы ўвялі ў Полацку, Магілёве, Асіповічах, Бабруйску, Крычаве, у Гомельскай вобласці, Лідзе, уведзены таксама пэўныя мерапрыемствы ў Брэсце.
Каментары