Спявачка родам з Мінска Рыта Дакота паведаміла, што яе сталічны канцэрт пройдзе не 10 снежня, а толькі ў 2021 годзе, піша Tut.by.
Выканаўца патлумачыла гэта так:
— Я не прыеду ў Менск не толькі таму, што паеду з аэрапорта адразу ў «канцлагер» на Акрэсціна.
А ў першую чаргу таму, што не хачу ніводнага рубля прыносіць у казну рэжыму. Патрывайце трошкі. Хутка праспяваем ў новай свабоднай Беларусі.
Рыта паабяцала, што да новай даты канцэрта падрыхтуе «магутнае новае музло». Квіткі на перанесены выступ застаюцца сапраўднымі.
Дакота актыўна выказваецца аб пратэстах у краіне і называе сябе «апазіцыянерам». Адразу пасля выбараў спявачка выпусціла палітычны трэк «Уходи», грошы ад спампоўванняў якога пайшлі на дапамогу ахвярам пратэстаў. А нядаўна ў праграме «Скажы Гардзеевай» Рыта распавяла пра намёкі «зверху» аб адмене снежаньскага канцэрта ў беларускай сталіцы.
— Тэлефанавалі майму канцэртнаму дырэктару і казалі: «Вы разумееце, што канцэрт не адбудзецца? Адмяняйце лепш самі». Але мы нічога не адмянілі. Я вельмі веру ў тое, што прылячу ў новую, незалежную, вольную краіну і спяю для сваіх людзей.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары