Аляксандр Лукашэнка павіншаваў Далю Грыбаўскайтэ з "пераканаўчай перамогай на выбарах на пасаду прэзідэнта Літоўскай Рэспублікі",
паведаміла прэс-служба беларускага кіраўніка.
"У Рэспубліцы Беларусь надаюць вялікае значэнне пашырэнню ўсебаковага супрацоўніцтва паміж нашымі краінамі", — гаворыцца ў віншаванні.
А.Лукашэнка "выказаў упэўненасць, што заснаваныя на прынцыпах добрасуседства, партнёрства і ўзаемнай павагі беларуска-літоўскія адносіны будуць і надалей развівацца на карысць народаў Беларусі і Літвы".
***
Выбары прэзідэнта Літвы прайшлі 17 мая. Па выніках падліку 100% бюлетэняў 53-гадовая еўракамісар па бюджэце і фінансавым праграмаванні Даля Грыбаўскайтэ атрымала 68,17% галасоў, яўка склала 51,67%. У выбарах прэзідэнта Літвы ўдзельнічала сем кандыдатаў, сярод іх тры жанчыны.
Каментары