Сёння, 27 лістапада, чат сталічнага мікрараёна Зялёны Луг перайшоў пад кіраванне невядомых, якія змянілі аватарку на чырвона-зялёны сцяг (гэта адна з галоўных прыкмет, што адміністраванне — у руках чужых людзей), піша Tut.by.
Некаторы час ён увогуле называўся «Любімую не аддаюць!», што з'яўляецца цытатай з выступлення Аляксандра Лукашэнкі, а таксама з песні беларускіх і расійскіх выканаўцаў.
Акрамя таго, там з'явіўся рэпост з Telegram-канала, дзе выкладваюць асабістыя звесткі ўдзельнікаў дамавых чатаў.
Што рабіць, калі вы раптам выявілі сябе або блізкага чалавека ў такім спісе, пісалі тут (нагадаем, што адказнасць за выдаванне інфармацыі аб асабістым жыцці чалавека прадугледжваецца арт. 179 КК РБ «Незаконныя збіранне альбо распаўсюджванне інфармацыі аб прыватным жыцці»).
Замест скампраметаванага чата быў створаны рэзервовы канал @ZeLugMinsk.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары