«Дзякуй вам, браты і сёстры, што я перажыў гэты час»: арцыбіскуп Тадэвуш Кандрусевіч адслужыў развітальную імшу ў Кафедральным касцёле
У Архікафедральным касцёле на плошчы Свабоды ў Мінску Тадэвуш Кандрусевіч сёння служыць службу, якую можна назваць развітальнай для яго на пасадзе кіраўніка Мінска-Магілёўскай дыяцэзіі
Ён падзякаваў вернікам за салідарнасць з ім на працягу 4 месяцаў, якія ён быў у выгнанні. Ён сказаў, што далей будзе працаваць у канферэнцыі біскупаў, цэлебраваць імшы.
3 студзеня, у дзень 75-гадовага юбілею арцыбіскупа Тадэвуша Кандрусевіча, Папа Францішак прыняў пададзенае ім прашэнне аб вызваленні ад кіравання Мінска-Магілёўскай архідыяцэзіяй у сувязі з дасягненнем пенсійнага ўзросту. Яго месца зойме Казімір Велікаселец.
Нагадаем, што 31 жніўня Тадэвуша Кандрусевіча не пусцілі ў Беларусь памежнікі, калі ён вяртаўся з Польшчы. Перад гэтым ён выступаў за сумленныя выбары, асудзіў гвалт у дачыненні да пратэстоўцаў, а таксама маліўся калі сцен СІЗА на Валадарскага і Акрэсціна.
Улады абвінавацілі яго ў тым, што арцыбіскуп «атрымліваў указанні з Варшавы». Вярнуцца ў Беларусь удалося толькі перад Калядамі 24 снежня пасля ўмяшання Папы Францішка і яго спецпасланніка, былога апостальскага нунцыя ў Беларусі Клаўдыя Гуджэроці.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары