Нябачныя ахвяры кавіду: з-за пандэміі ў Беларусі тысячы хворых на рак не дайшлі да анколагаў
Штогод у сталіцы рэгіструюць 10-11 тысяч новых выпадкаў раку. І толькі ў 2020-м ізноў выяўленых пацыентаў было амаль на 2 тысячы менш. Пра гэта паведаміў на прэс-канферэнцыі 2 лютага галоўны доктар Мінскага гарадскога клінічнага анкалагічнага дыспансера Віктар Кандратовіч, перадае карэспандэнт агенцтва «Мінск-Навіны».
— Разам з тым 2020 год не паказальны, — адзначыў Кандратовіч. — Па нашых падліках, да анколагаў не дайшлі каля 2000 пацыентаў — кавід перашкодзіў. Мы правялі аналіз: пераважная частка гэтых людзей — з нулявой, першай стадыяй раку, якія маглі б быць выяўлены падчас скрынінгу. Праз паўгода-год першая-другая стадыі пяройдуць у трэцюю-чацвёртую…
Па словах Кандратовіча, падчас першай хвалі пандэміі ў мінскім анкадыспансеры на тры месяцы былі перапрафіляваны два з пяці карпусоў.
— У другую хвалю працуем, як і раней, — нас не перапрафілявалі, — сказаў Кандратовіч.
Каментары