Швейцарскія дэпутаты ў лісце да міністра замежных спраў Беларусі Уладзіміра Макея напісалі, што наяўнасць у Беларусі палітвязняў не дае развівацца міждзяржаўным адносінам.
У адкрытым лісце, апублікаваным напярэдадні запланаванага на 16 лютага разгляду апеляцыйнай скаргі Наталлі Хершэ, дэпутаты адрасавалі міністру замежных спраў Беларусі патрабаванне неадкладнага вызвалення грамадзянкі Швейцарыі, а таксама больш чым 240 іншых палітзняволеных у Беларусі.
Адкрыты ліст падпісалі прадстаўнікі ўсіх групаў Федэральнага парламенту.
Уладзіміра Макея просяць «забяспечыць вызваленне Хершэ не пазней за вынясенне прысуду ў апеляцыйнай інстанцыі». Дэпутаты лічаць, што Наталля як грамадзянка Швейцарыі павінна атрымаць дазвол неадкладна вярнуцца ў краіну.
Зняволенне Наталлі Хершэ і іншых палітвязняў называецца «сур’ёзным цяжарам у знешнепалітычных дачыненнях» Швейцарыі і Беларусі.
Наталлю Хершэ, якая 10 гадоў таму пераехала ў Швейцарыю, асудзілі да 2,5 года пазбаўленья волі за сарваную з амапаўца балаклаву. У 2020 годзе яна прыехала ў адпачынак на радзіму, дзе брала ўдзел у пратэстах супраць Лукашэнкі.
Чытайце:
«У Швейцарыі ў яе было цудоўнае жыццё, але яна лічыла, што цяпер мусіць быць на радзіме». Хто такая Наталля Хершэ, якую пасадзілі за сарваную балаклаву
Праваабаронцы прызналі грамадзянку Швейцарыі Наталлю Хершэ палітвязнем
Што адбываецца з чалавекам падчас галадоўкі? Расказваюць доктар і беларус, які галадаў на пратэст пяць разоў
Палітзняволеная Наталля Хершэ галадоўкай дамаглася выканання сваіх патрабаванняў
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары