Пра гэта kraj.by паведаміў муж адной з затрыманых Аляксандр С. У нядзелю міліцыя затрымала пад Маладзечнам 19 лыжнікаў з бел-чырвона-белай атрыбутыкай, нагадвае kraj.by.
Як распавёў Аляксандр, сёння пасля 13 гадзін да яго дадому прыехалі міліцыянты з пастановай на ператрус. Па яго словах, яны шукалі забароненую атрыбутыку. Канфіскавалі тэлефон жонкі, лісток з гербам «Пагоня» і невялікі бел-чырвона-белы сцяжок.
Аляксандр кажа, што міліцыянты паведамілі яму, што збіраюцца ў дамы і іншых затрыманых.
Таксама ён распавёў, што адразу ў нядзелю каля 17-18 гадзін да яго прыязджалі двое інспектараў па справах непаўналетніх.
«Яны спыталі, ці ведаю я, дзе мая жонка, — кажа маладзечанец. — Я сказаў, што здагадваюся. Яны пацвердзілі, што яна затрыманая, і спыталі, дзе наш 14-гадовы сын. Ён быў дома. Больш пытанняў яны не задавалі. Паводзілі сябе ветліва, карэктна».
Сёння ў судзе Маладзечанскага раёна прайшло першае пасяджэнне па справе лыжнікаў. Са слоў сваякоў, адна з затрыманых пасля суда была адпушчаная дадому.
Міліцыя пахвалілася затрыманнем 19 лыжнікаў пад Маладзечнам ВІДЭА
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню36
Каментары