Галоўнае за 16 лютага: падатковыя змены для ІП, сілавікі ў праваабаронцаў і журналістаў, падрабязнасці забойства Шутава
КДК прапануе такія змены ў падаткаабкладанне ІП, што лёс малога бізнэсу выглядае бязрадасна
У Сеціва трапілі прапановы КДК па «удасканальванні сістэмы падаткаабкладання ІП».
Да праваабаронцаў і журналістаў па ўсёй краіне, а таксама кіраўніцтва БАЖ прыйшлі сілавікі
Сёння раніцай сілавікі прыйшлі амаль да двух дзясяткаў праваабаронцаў і журналістаў.
«Мы засакрэчаныя». У Гродне ў судзе амапаўцы замест сваіх адрасоў называлі звесткі актывістаў
У Гродне працягваецца разгляд крымінальнай справы ў дачыненні да пяці гродзенцаў, якія абвінавачваюцца па артыкуле 342 КК РБ «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», а таксама ў гвалце над сілавікамі. Пацярпелыя — 11 супрацоўнікаў міліцыі. У панядзелак, 15 лютага, дапытвалі трох з іх. Пры гэтым амапаўцы на судзе замест свайго адрасу пражывання чамусьці называлі адрасы гродзенскіх актывістаў.
«Хацеў стрэліць у перадплечча». Вайсковец, які 11 жніўня забіў Генадзя Шутава, даў паказанні
У Брэсце пачаўся суд па справе Аляксандра Кардзюкова і Генадзя Шутава, які загінуў падчас жнівеньскіх пратэстаў.
Што стаіць за налётамі на праваабаронцаў? Стэфановіч: Гэта такая логіка ў стылі «ўкусі сябе за сраку»
Раніцай 16 лютага сілавікі прыйшлі ў дамы і офісы дзясяткаў праваабаронцаў і журналістаў. Некаторых адпусцілі пасля ператрусаў, але лёс многіх, у тым ліку кіраўніка «Вясны» Алеся Бяляцкага, застаецца няпэўным.
Праз афіцыйны Беларускі саюз журналістаў улады ўкідваюць інфармацыю, што сілавікі «мэтанакіравана шукаюць доказы аплаты ў канвертах, праз крыптавалюты і праз банкаўскія карткі, эмітаваныя ў Польшчы, краінах Балтыі і Украіны».
Што стаіць за гэтым наездам на праваабаронцаў? «Наша Ніва» распытала ў намесніка кіраўніка «Вясны» Валянціна Стэфановіча.
Адзін з удзельнікаў сустрэчы лыжнікаў пад Маладзечнам збег. Ён расказаў, што там адбылося
Малады чалавек — дваццаты ўдзельнік сустрэчы лыжнікаў пад Маладзечнам, якая адбылася ў нядзелю, 14 лютага. У той дзень групу лыжнікаў з 11 жанчын і васьмярых мужчын затрымалі міліцыянеры. Як высветлілася, адзін удзельнік збег з месца падзей. Ён расказаў сваю версію таго, што адбылося.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд1
Каментары