Гэта адзін з фактаў, высветленых раптоўнай праверкай з Адміністрацыі прэзідэнта.
Гэта адзін з фактаў, высветленых раптоўнай праверкай з Адміністрацыі прэзідэнта.
На мінулым тыдні ў Гродне і Гродзенскай вобласці Адміністрацыі прэзідэнта наладзіла комплексную рэйдавую праверка працы дзяржаўных органаў улады. Чыноўнікаў праверылі на якасць выканання патрабаванняў дырэктывы № 2 ад 27.12.2006 г. аб мерах па далейшай дэбюракратызацыі дзяржапарату. Рэйд зазірнуў таксама ў «адно акно» і праверыў працу са зваротамі грамадзянаў.
«Гэтая праверка была праведзена раптоўна. Мясцовыя ж органы ўлады Гродна і Гродзенскай вобласці чакалі, што ў гэты дзень супрацоўнікі Адміністрацыі прэзідэнта правядуць толькі планавыя сустрэчы ў працоўных калектывах, прыём грамадзянаў па асабістых пытаннях, якія насамрэч адбыліся, у прыватнасці, у ААТ «Малочны свет» — гаворыцца ў паведамленні прэс-службы кіраўніка дзяржавы.
Рэйд выявіў шэраг істотных недахопаў. Так, у прыватнасці, у ваенкамаце і цэнтральнай раённай бальніцы Астравецкага раёну адмовіліся па першым патрабаванні выдаць кнігі скаргаў і прапановаў. У гэтым жа раёне ў часе праверкі шэраг службовых асобаў, адказных за асабісты прыём грамадзянаў, адсутнічалі на сваіх месцах у працоўны час.
Служба «адно акно» ў Кастрычніцкім раёне Гродна «не адпавядае патрабаванням заканадаўства, арганізаваная абсалютна нязручна для людзей». Падобныя парушэнні былі выяўленыя ў Мастоўскім раёне. А ў Ваўкавыску пытанне пра дэбюракратызацыю дзяржапарату разглядалі на паседжанні райвыканкаму толькі ў верасні 2007 году.
Выявіла нечаканая праверка і кур’ёзныя факты. Так, у тым жа Кастрычніцкім раёне Гродна супрацоўнік, адказны за працу сайту сваёй установы, нават не мае доступу для выхаду ў інтэрнэт.
Па выніках рэйду шэраг гродзенскіх чыноўнікаў магчыма пазбавіцца сваіх пасадаў. Такая выснова робіцца напрыканцы паведамлення прэс-службы Лукашэнкі.
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому1
Каментары