Гераіня матэрыялу «Нашай Нівы» атрымала 15 сутак — агулам яна правядзе за кратамі ўжо 70 дзён
22-гадовую супрацоўніцу «Інтэграла» Кацярыну Атрахімёнак забралі з інтэрната ў суботу, 20 сакавіка, нібыта для «прафілактычнай размовы». Як і меркавала яе сям'я, назад Каця ўжо не вярнулася.
Сёння суд Кастрычніцкага раёна Мінска на чале з Вольгай Няборскай вырашыў, што Кацярына аказвала непадпарадкаванне міліцыянерам, якія прыйшлі па яе ў інтэрнат, і вынес пастанову: 15 сутак зняволення па артыкуле 24.3 КаАП.
Кацярына сваю віну не прызнала.
«Мы, канечне, радуемся таму, што гэта не 30 сутак. Але сама сітуацыя страшная — чалавеку ні за што даюць 15, калі ён ціха знаходзіўся ў сябе дома. Добра, што Каця сабрала з сабой нейкія рэчы, не пайшла ў міліцыю з пустымі рукамі, як у мінулы раз, калі яе забралі перад «Усебеларускім народным сходам» — таксама нібыта для прафілактыкі, пагутарыць», — каментуюць блізкія Каці.
Як распавяла «НН» сяброўка Кацярыны, міліцыянеры абыходзілі і іншых іх знаёмых, якія раней ужо адбывалі адміністрацыйны арышт. Падобныя меры яны звязваюць з ізаляцыяй актыўных грамадзян напярэдадні Дня Волі.
«Атрахімёнак, зноў ты?! Мы ж цябе нядаўна выпускалі». Пагутарылі з беларускай, якую затрымлівалі пяць разоў, агулам — на 55 сутак
Цяпер чытаюць
На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію6
Каментары