«Абсалютна не згодныя»: Крэмль пракаментаваў словы Макрона пра новы тып сусветнай вайны
Расійскія ўлады «абсалютна не згодныя» з тым, што Расія і Кітай вядуць «нейкую вайну» або выкарыстоўваюць тэму вакцын ад каранавіруса як інструмент уплыву, сказаў прэс-сакратар Уладзіміра Пуціна Дзмітрый Пяскоў.
Журналісты папрасілі яго пракаментаваць словы прэзідэнта Францыі Эманюэля Макрона пра пагрозу «сусветнай вайны новага тыпу» праз дзеянні Масквы і Пекіна ў вобласці вакцын, піша РБК.
Пяскоў сказаў, што Масква высока цэніць «даверны дыялог паміж Макронам і Пуціным», а таксама гатоўнасць і жаданне французскага лідара «самыя складаныя пытанні абмяркоўваць у рамках гэтага дыялогу».
Але словы Макрона пра вайну і вакцыны «адносяцца да сферы нашых абсалютных рознагалоссяў», дадаў прэс-сакратар прэзідэнта Расіі.
«Мы абсалютна не згодныя з тым, што Расія ці Кітай вядуць нейкую вайну ці выкарыстоўваюць вакцынную праблематыку ў якасці інструмента ўплыву», — адзначыў ён.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары