На Віцебшчыне — новыя сацыяльныя стандарты: «у выключных выпадках» гарачую ваду можна даваць двойчы на тыдзень
Віцебскі аблвыканкам змяніў пералік дзяржаўных сацыяльных стандартаў: цяпер «у выключных выпадках» гарачую ваду можна даваць у дамы ўсяго двойчы на тыдзень. Рашэнні аб гэтым могуць прымаць мясцовыя органы ўлады, піша Tut.by.
Рашэннем ад 29 сакавіка Віцебскі абласны выканаўчы камітэт унёс змены ў пералік дзяржаўных сацыяльных стандартаў па абслугоўванні насельніцтва Віцебскай вобласці, які быў прыняты ў 2011 годзе і апошні раз мяняўся ў 2018.
Стандартамі вызначана, што да 2026 года ў гарадах і гарадскіх пасёлках цэнтральны водаправод павінен быць у 100% жыхароў, у аграгарадках — у 85%.
Цікавы момант з падачай гарачай вады заўважылі «Народныя навіны Віцебска»: калі раней гарачай вадой жыхары Віцебскай вобласці павінны былі забяспечвацца штодня — без агаворак, то цяпер да 2025 года «ў выключных выпадках з улікам наяўных фінансава-тэхнічных магчымасцяў» мажліва ў міжацяпляльны перыяд падаваць гарачую ваду па графіках, зацверджаных мясцовымі выканаўчымі і распарадчымі органамі — але не менш за два дні на тыдзень.
З пераліку прыбралі таксама нормы па забяспечанасці гарадоў і гарпасёлкаў лазнямі — раней патрабавалася мець не менш за 3 месцы на 1000 жыхароў ва ўпарадкаваных раёнах і не менш за 5 месцаў на 1000 жыхароў — у неўпарадкаваных.
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары