За суткі беларусы сабралі больш за 40 тысяч рублёў на аднаўленне касцёла ў Будславе
Пра гэта Tut.by распавяла Вольга Лабуць, намесніца дырэктара дабрачыннага каталіцкага таварыства «Карытас» Мінска-Магілёўскай архідыяцэзіі.
Яшчэ ўчора Канферэнцыя Каталіцкіх Біскупаў заклікала вернікаў дапамагчы ў аднаўленні касцёла. І сёння, згодна са звесткамі на 14.10, на дабрачынны рахунак каталіцкага таварыства «Карытас» Мінска-Магілёўскай архідыяцэзіі перавялі крыху больш за 40 787 рублёў, распавяла Вольга Лабуць.
Таксама ўчора можна было ахвяраваць праз сістэму webpay непасрэдна парафіі ў Будславе.
Сёння з'явіўся тэлеграм-канал «Адновім Будслаў разам!» — @budslau. У ім будуць пісаць пра арганізацыйныя пытанні па аднаўленні касцёла. Цяпер шукаюць альпіністаў і людзей з допускам працы на вышыні, бо трэба спускаць уніз бэлькі і рэшткі металічнага даху.
Таксама актуальная інфармацыя будзе з'яўляцца ў Instagram-акаўнце «Карытас» — caritasminsk.
Вольга Лабуць адзначыла, што дапамога валанцёраў спатрэбіцца ў найбліжэйшыя дні, але проста зараз іх у касцёл пусціць не могуць: спачатку там неабходна разабраць бэлькі і рэшткі даху, а гэта можа зрабіць не кожны, тут патрэбна спецыяльная падрыхтоўка. Калі доступ у касцёл адкрыюць, валанцёры змогуць актыўна дапамагаць. Пра гэта асобна паведамяць у тэлеграм-канале.
Як пералічыць грошы на аднаўленне касцёла ў Будславе праз АРІП
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»39
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары