Праабражэнскі суд Масквы прызнаў паплечніцу Аляксея Навальнага Любоў Собаль вінаватай у падбухторванні да парушэння санітарна-эпідэміялагічных правілаў на акцыі пратэсту 23 студзеня ў Маскве і прызначыў ёй паўтара года абмежавання волі, паведамляе Бі-бі-сі.
Пра рашэнне суддзі Веранікі Сіратэгян паведаміў адвакат Собаль Уладзімір Варонін. Яна асуджаная па ч. 4 арт. 33 — ч. 1 арт. 236 КК РФ (падбухторванне да парушэння санітарна-эпідэміялагічных правілаў, якое пацягнула пагрозу масавага захворвання людзей).
Паўтара года Собаль будзе забаронена пакідаць жыллё з 22 гадзін да 6 раніцы, наведваць масавыя мерапрыемствы, выязджаць з Масквы і Маскоўскай вобласці, яна павінна з'яўляцца ў інспекцыю тройчы ў месяц.
Падчас абвяшчэння рашэння суда Собаль выдалілі з залы — яна спрабавала весці відэа-трансляцыю чытання прысуду.
Цяпер чытаюць
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы2
Каментары