«Талібан» наступае на Кабул, ЗША і Германія рыхтуюць эвакуацыю пасольстваў
Злучаныя Штаты пачалі эвакуацыю сваіх дыпламатаў і накіравалі дадатковыя войскі для забеспячэння бяспекі аэрапорта Кабула на фоне наступлення «Талібана» на сталіцу Афганістана.
Прэзідэнт Джо Байдэн у суботу санкцыянаваў разгортванне 5000 амерыканскіх вайскоўцаў для дапамогі ў эвакуацыі грамадзян і забеспячэння вываду вайсковага персаналу.
У нядзелю раніцай талібы абвясцілі аб узяцці пад кантроль важнага стратэгічнага горада Джэлалабад, які дае ім кантроль над дарогай, якая вядзе ў пакістанскі горад Пешавар, адной з галоўных магістраляў у Афганістан.
Германія таксама рыхтуецца да эвакуацыі пасольства з Кабула ў выпадку неабходнасці. Міністр замежных спраў Хайка Маас заявіў, што Берлін гатовы да ўсіх сцэнароў.
Талібы ўзялі пад кантроль амаль увесь Афганістан. За мінулыя суткі баевікі занялі адміністрацыйныя цэнтры 9 правінцый.
Ноччу талібы рушылі на сталіцу — адзіны буйны горад, які ўсё яшчэ знаходзіцца пад кантролем урада.
Абвастрэнне ў краіне адбываецца на фоне вываду амерыканскіх войскаў.
Каментары