«Taliban» nastupaje na Kabuł, ZŠA i Hiermanija rychtujuć evakuacyju pasolstvaŭ
Złučanyja Štaty pačali evakuacyju svaich dypłamataŭ i nakiravali dadatkovyja vojski dla zabieśpiačeńnia biaśpieki aeraporta Kabuła na fonie nastupleńnia «Talibana» na stalicu Afhanistana.
Prezident Džo Bajden u subotu sankcyjanavaŭ razhortvańnie 5000 amierykanskich vajskoŭcaŭ dla dapamohi ŭ evakuacyi hramadzian i zabieśpiačeńnia vyvadu vajskovaha piersanału.
U niadzielu ranicaj taliby abviaścili ab uziaćci pad kantrol važnaha stratehičnaha horada Džełałabad, jaki daje im kantrol nad darohaj, jakaja viadzie ŭ pakistanski horad Piešavar, adnoj z hałoŭnych mahistralaŭ u Afhanistan.
Hiermanija taksama rychtujecca da evakuacyi pasolstva z Kabuła ŭ vypadku nieabchodnaści. Ministr zamiežnych spraŭ Chajka Maas zajaviŭ, što Bierlin hatovy da ŭsich scenaroŭ.
Taliby ŭziali pad kantrol amal uvieś Afhanistan. Za minułyja sutki bajeviki zaniali administracyjnyja centry 9 pravincyj.
Nočču taliby rušyli na stalicu — adziny bujny horad, jaki ŭsio jašče znachodzicca pad kantrolem urada.
Abvastreńnie ŭ krainie adbyvajecca na fonie vyvadu amierykanskich vojskaŭ.
Kamientary