У Гомелі пад крыміналку трапіў 35-гадовы грузчык. Ён «абразіў» за адну ноч 19 чыноўнікаў і сілавікоў
У Гомелі пад «крыміналку» трапіў 35-гадовы грузчык. Яго абвінавачваюць у абразе 19 чыноўнікаў і сілавікоў, у тым ліку Лукашэнкі, паведамляе прэс-служба Следчага камітэта.
Мужчына быў падпісаны на каналы, дзе публікаваліся асабістыя звесткі сілавікоў. Са снежня па красавік ён пісаў «каментары абразлівага характару, выказаныя ў непрыстойнай форме». Следчыя налічылі 21 каментар пад пастамі з фотаздымкамі міліцыянтаў з Мінска, Гомеля, Магілёва, Віцебска, Брэсцкай вобласці, пракурораў і суддзяў з Гомеля і Мінска і дэпутата з Гомельскага раёна. Толькі за адну красавіцкую ноч мужчына паспеў «абразіць» адразу 19 чалавек.
Мужчыну 35 гадоў, халасты, раней не судзімы, працаваў грузчыкам.
Яго абвінавачваюць па трох артыкулах Крымінальнага кодэкса. Мужчыну ўзялі пад варту.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары