Палітыка завярнулі пры праходжанні пашпартнага кантролю, паведаміўшы, што ён знаходзіцца ў спісе невыязных з краіны.
Лідэра барысаўскай суполкі Партыі БНФ Сяргея Салаша не прапусцілі беларускія памежнікі на рэйс «Мінск — Франкфурт». Палітыка завярнулі пры праходжанні пашпартнага кантролю, паведаміўшы, што ён знаходзіцца ў спісе невыязных з краіны.
Сяргей Салаш павінен быў ляцець у ЗША па адукацыйнай праграме на тры тыдні. Разам з ім за акіян накіроўваліся і іншыя мясцовыя лідэры, але ні ў кога больш праблем не ўзнікла.
Цікава, што 1—2 ліпеня Салаш знаходзіўся ў Літве, і тады ніякіх перашкод у перасячэнні беларускай мяжы пагранічнікі не чынілі. А перад атрыманнем амерыканскай візы Сяргей браў даведку аб дазволе на выезд у Мінскім абласным аддзяленні Міністэрства ўнутраных справаў, яе таксама выдалі адразу ж.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА1
Каментары