У Львове губляўся «каціны мэр», які жыве ў гарадской радзе. Магчыма, ён спалохаўся выбухаў ФОТА
Кот Леўчык, які жыў у прыёмнай мэра Львова, знік 7 верасня. Праўда, актыўныя пошукі напалоханых гараджан далі плён: ужо 8 верасня кот знайшоўся ў горадзе. Радаснай навіной падзяліліся ва ўласным інстаграме ката.
Пра яго знікненне паведаміў мэр Львова Андрэй Садовы ў фэйсбуку. Ён паабяцаў узнагароду таму, хто знойдзе ката, паведамляе «Украінская праўда».
«Сябры, згубіўся наш кот Леўчык. Магчыма, ён спалохаўся выбуху, які прагрымеў сёння падчас антытэрарыстычных вучэнняў у гарадской радзе. Калі хто бачыў ці ведае дзе ён, тэлефануйце +380 322 975 905. Таму, хто знойдзе, абяцаем добры падарунак!)», — напісаў Андрэй Садовы.
Кот Леўчык пачаў жыць у Львоўскай радзе ў пачатку верасня 2020 года. Ён залез на дрэва каля балкона мэра і не змог злезці. Спачатку работнікі мэрыі шукалі гаспадароў жывёлы, але аказалася, што ён жыў на вуліцы.
Акрамя гэтага, Леўчык быў паранены іншым катом, таму яго вылечылі і «пасялілі» ў гарадской радзе. З тых часоў работнікі рады пачалі весці сацсеткі Леўчыка.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары