Улады адрэагавалі на скандальную карыкатуру ў «Мінскай праўдзе»
Улады Беларусі адрэагавалі на публікацыю ў выданні «Мінская праўда», у якой каталіцкіх святароў, якія выступаюць супраць гвалту і за нацыянальныя сімвалы, параўналі з нацыстамі. Міністэрства інфармацыі пісьмова апавясціла выданне аб недапушчальнасці падобнага роду публікацый.
Каталіцкія біскупы Беларусі назвалі карыкатуру і артыкул «Мінскай праўды» «свядомым і зламысным скажэннем праўды, паклёпам і абразай». Яны таксама выказалі спадзеў, што «адпаведныя органы дзяржаўнай улады дадуць належную прававую ацэнку гэтай карыкатуры і публікацыі ў газеце «Мінская праўда», змешчанай у № 68 ад 7 верасня 2021 года, незадоўга да святкавання Дня народнага адзінства».
9 верасня біскуп Алег Буткевіч, Старшыня Канферэнцыі Каталіцкіх біскупаў у Беларусі, атрымаў ліст ад імя Упаўнаважанага па справах рэлігіяў і нацыянальнасцяў Аляксандра Румака, у якой чыноўнік падкрэсліў, што гэтая публікацыя не адлюстроўвае афіцыйную пазіцыю дзяржавы ў адносінах да Рыма-каталіцкага Касцёла ў Беларусі.
Нагадаем, пасля скандальнай вокладкі «Мінскай праўды» пасол Ватыкана сустрэўся з Макеем.
Уладзімір Макей пацвердзіў нацэленасць на развіццё супрацоўніцтва з Ватыканам.
Падкрэслена недапушчальнасць распальвання рэлігійнай нецярпімасці і важнасць захавання ў краіне этна-канфесійнай згоды.
Як адзначыў Макей, у гэтым кантэксце не варта надаваць ніякай увагі асобным, выключна суб'ектыўным, спробам намаляваць сітуацыю інакш [НН — магчыма, пад гэтым маецца на ўвазе скандал з вокладкай «Мінскай праўды»].
Суразмоўцы дамовіліся падтрымліваць дыялог па ўсіх пытаннях, звязаных з беларуска-ватыканскім узаемадзеяннем.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары