Са слоў прэс-сакратара прэзідэнта Украіны, сустрэча залежыць ад таго, ці гатовая Расія гаварыць на тэму Крыма ці не. Пры гэтым Уладзімір Зяленскі гатовы сустрэцца з Пуціным у любы час і на любой нейтральнай тэрыторыі.
Сустрэча паміж прэзідэнтамі Расіі і Украіны Уладзімірам Пуціным і Уладзімірам Зяленскім залежыць ад гатоўнасці Расіі гаварыць на тэму Крыма, заявіў прэс-сакратар украінскага прэзідэнта Сяргей Нікіфараў у эфіры тэлеканала «Дом», паведамляе РБК.
Ён нагадаў пазіцыю Расіі, якая не гатовая падымаць пытанне аб Крыме. «Але навошта тады сустракацца?» — пацікавіўся Нікіфараў.
Прэс-сакратар адзначыў, што «ёсць воля» Зяленскага асабіста сустрэцца з Пуціным у любы час і на любой нейтральнай тэрыторыі.
«Трэба, каб на гэтай сустрэчы стаяла пытанне аб акупацыі Расіяй часткі тэрыторыі Украіны. Таму размова і кантакты на нейкім узроўні сапраўды падтрымліваюцца наконт гэтай сустрэчы, але трэба абавязкова дамагчыся таго, каб гэтае самае галоўнае пытанне было вынесенае на парадак дня, чаго Расія, вядома, не хоча», — сказаў ён.
Магчымасць сустрэчы лідараў з Масквы і Кіева абмяркоўваецца з вясны гэтага года.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3333
Каментары