Грамадства

Фядута ў СІЗА КДБ напісаў каментары да «Каласоў пад сярпом тваім». Цяпер чытае следчы

Што піша з-за кратаў вядомы літаратуразнаўца, палітолаг, журналіст Аляксандр Фядута, затрыманы ў красавіку ў Маскве па «справе аб дзяржперавароце»?

Цытаты прыводзіць «Народная воля».

Мяркуючы па лістах, Аляксандр Іосіфавіч і за кратамі не спыняе літаратурна-даследчай дзейнасці — піша каментары да рамана Уладзіміра Караткевіча «Каласы пад сярпом тваім»: «Па-ранейшаму важдаюся са сваім Караткевічам. Прыкладна 40% намечанага гатова… Следчаму адаслалі першыя чатыры сшыткі з маімі рукапісамі. Калі ў яго не будзе пярэчанняў, спадзяюся, яны трапяць у друк…»

Глыбокі знаўца рускай літаратуры, Фядута з самаіроніяй прызнаецца, што ў СІЗА КДБ упершыню прачытаў раман Маргарэт Мітчэл «Унесеныя ветрам» і зрабіў для сябе адкрыццё: аказалася, што раман, які ён адносіў да «дамскай літаратуры», уяўляе сабой «раскошную, вельмі жорсткую прозу». «Кніга амерыканскай хатняй гаспадыні (Маргарэт Мітчэл) напісана ніколькі не горш за кнігу рускага хатняга гаспадара (Льва Талстога)… З часоў Тэкерэя я не чытаў кніг, аўтары якіх адначасова так любілі б сваіх герояў і былі б настолькі да іх суровы», — прызнаецца вядомы літаратуразнаўца.

Наконт бытавых умоў Аляксандр Іосіфавіч паведамляе: «Ацяпленне ў нас уключылі, але жывём мы ў світарах і тэрмабялізне».

Дарэчы, у СІЗА Фядута зрабіў прышчэпку ад кавіду — расійскі «Спутнік V»: «Абодва ўколы я перанёс практычна нічога не адчуўшы. Рэкамендую ўсім. Але, зразумела, па жаданні».

Пра распарадак дня Аляксандр Іосіфавіч піша так: «Вечарам атрымліваю лісты. На некаторыя адказваю адразу, асабліва мастацкія пакідаю на наступны дзень, каб павыдасканальвацца ў фармулёўках і прадэманстраваць адрасату: маўляў, і мы валодаем мастацтвам слова! А вечарам — новая пошта. Калі штосьці прынеслі — радуюся, не — спадзяюся».

Чытайце таксама:
«Сёння ў дворыку знайшлі буслінае пяро». Што пішуць нашаніўцы з-за кратаў

Каментары

Цяпер чытаюць

Стала вядома, дзе працуе фаварытка Лукашэнкі Уладлена Зайцава3

Стала вядома, дзе працуе фаварытка Лукашэнкі Уладлена Зайцава

Усе навіны →
Усе навіны

Прызналі «экстрэмісцкімі» фэйсбук-старонку і тэлеграм-канал Аляксандра Класкоўскага2

З тыктока знік відэаролік са зваротам бацькоў дашкольнікаў да Лукашэнкі. Як выглядае, нічога яны не дабіліся2

Зяленскі прапанаваў Пуціну перайсці «да ўзроўню размовы лідараў»

Пашыраюцца кібератакі пад выглядам анімэ. З пачатку года ў Беларусі больш за тысячу выпадкаў3

На мяжы затрымалі актывіста з Рэчыцы Алеся Здаравеннава, а ў Мінску ягонага брата Вадзіма

У Мінску мужчына заснуў у аўтобусе і атрымаў дзявятую судзімасць1

Мірсалімава назвала Умку «сабакам, які рохкае ў кадры» і «прыніжае прамоўленыя Пуціным словы і сэнсы»31

Пуцін заявіў Лукашэнку, што ва Украіне Расія не захоплівае тэрыторыі, а вяртае свае. Той засмяяўся12

Келагу паказалі кампраметуючыя відэаматэрыялы на беларускую апазіцыю? Так мяркуе Латушка25

больш чытаных навін
больш лайканых навін

Стала вядома, дзе працуе фаварытка Лукашэнкі Уладлена Зайцава3

Стала вядома, дзе працуе фаварытка Лукашэнкі Уладлена Зайцава

Галоўнае
Усе навіны →

Заўвага:

 

 

 

 

Закрыць Паведаміць