У агурковай сталіцы Беларусі трэці тыдзень запар ніхто не хоча вакцынавацца
Альшаны. Фота Сяргея Гудзіліна
На мінулым тыдні мы пісалі, што ў 8-тысячнай вёсцы Альшаны, што ў Столінскім раёне, за ўвесь час працы пункта вакцынацыі прышчапіўся толькі адзін чалавек, і той — з іншай вёскі. Пункт там працуе па суботах.
Нежаданне вакцынавацца мясцовая раёнка звязала з рэлігійнымі перакананнямі мясцовых жыхароў, якія лічаць, што вакцына «ад нячыстага».
Публікацыя ў газеце ніяк не паўплывала на сітуацыю. Па словах «Навінаў Палесся», па выніках трэцяга тыдня працы пункта вакцынацыі — 0 прышчэпленых.
Для параўнання, у Давыд-Гарадку ў пятніцу прышчапіліся 18 чалавек, у Століне на рынку ў выязным пункце за дзень на момант візіту журналістаў — 30 чалавек.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары