Беларуская эканоміка за дзевяць месяцаў 2021 г. павялічылася на 2,7% гадавых (+3% за студзень — жнівень). У верасні рост ВУП заставаўся ніжэй за 1% г/г, галоўным чынам з-за скарачэння на 13,7% сельскагаспадарчай вытворчасці, мяркуюць аналітыкі Еўразійскага банка развіцця.
Моцная дынаміка застаецца ў сектары інфармацыі і сувязі, валавая дабаўленая вартасць якога за дзевяць месяцаў павялічылася на 9,6%. Захоўваецца рост прамысловай вытворчасці — 2,3% у верасні пасля 3,7 і 2, 7% г/г у жніўні і ліпені адпаведна.
Дынаміка прамысловасці паказвае на тое, што абмежаванні шэрагу заходніх краін пакуль не аказваюць значнага ўздзеяння на вытворчасць. Стрыманую дынаміку дэманструюць інвестыцыі (мінус 9,1% у верасні) і абарот рознічнага гандлю (+1,7%).
У першым выпадку гэта можа з'яўляцца следствам павышанай нявызначанасці, у той час як на спажыванне тавараў ўплывае запаволенне росту даходаў насельніцтва і, магчыма, чарговая хваля пандэміі.
Цяпер чытаюць
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары