Biełaruskaja ekanomika za dzieviać miesiacaŭ 2021 h. pavialičyłasia na 2,7% hadavych (+3% za studzień — žnivień). U vieraśni rost VUP zastavaŭsia nižej za 1% h/h, hałoŭnym čynam z-za skaračeńnia na 13,7% sielskahaspadarčaj vytvorčaści, miarkujuć analityki Jeŭrazijskaha banka raźvićcia.
Mocnaja dynamika zastajecca ŭ siektary infarmacyi i suviazi, vałavaja dabaŭlenaja vartaść jakoha za dzieviać miesiacaŭ pavialičyłasia na 9,6%. Zachoŭvajecca rost pramysłovaj vytvorčaści — 2,3% u vieraśni paśla 3,7 i 2, 7% h/h u žniŭni i lipieni adpaviedna.
Dynamika pramysłovaści pakazvaje na toje, što abmiežavańni šerahu zachodnich krain pakul nie akazvajuć značnaha ŭździejańnia na vytvorčaść. Strymanuju dynamiku demanstrujuć inviestycyi (minus 9,1% u vieraśni) i abarot roźničnaha handlu (+1,7%).
U pieršym vypadku heta moža źjaŭlacca śledstvam pavyšanaj niavyznačanaści, u toj čas jak na spažyvańnie tavaraŭ ŭpłyvaje zapavoleńnie rostu dachodaŭ nasielnictva i, mahčyma, čarhovaja chvala pandemii.
Kamientary