Лукашэнка хоча ўзначаліць Усебеларускі народны сход і перадаць УНС важнейшыя паўнамоцтвы
Аляксандр Лукашэнка хоча ўзначаліць Усебеларускі народны сход і вызваліць пасаду прэзідэнта для «новага пакалення». Такі сэнс ягонай заявы ў інтэрв'ю галоўнаму рэдактару расійскага часопіса «Нацыянальная абарона».
Лукашэнка кажа, што трэба «узаконіць» УНС і «на гэтыя пазіцыі адвесці цяперашняе пакаленне».
«Я гэта публічна гавару. Вось мы з табой павінны адысці ва Ўсебеларускі народны сход. Вось гэтае пакаленне, якое стварыла гэтую краіну і якое памятае тую краіну, у якой мы жылі — СССР. І якое памятае і любіць, і адданае каштоўнасцям, якія мы зараз вызнаем. Ідзе новае пакаленне. Яно павінна кіраваць краінай. Адтуль і прэзідэнты, і прэмʼеры, і ўрад, і дэпутаты, і сенатары, і гэтак далей. Яны адтуль. Але мы павінны ўсё ж бачыць, што адбываецца», ‒ тлумачыць Лукашэнка.
Паўнамоцтвы УНС пакуль не вызначаныя, але Лукашэнка хоча
перадаць сходу фарміраванне Канстытуцыйнага суда, прызначэнне старшыні Вярхоўнага суда, пытанні абвяшчэння вайны і міру, імпічменту, адпраўкі вайскоўцаў за межы Беларусі, фарміраванне Цэнтральнай выбарчай камісіі і іншае.
Рэферэндум па зменах у Канстытуцыю запланаваны на люты 2022 года. Але нават праект новага Закону яшчэ не падрыхтаваны, не кажучы пра тое, што праект яшчэ не вынесены на грамадскае абмеркаванне.
Навошта Лукашэнку новая Канстытуцыя? Разбіраемся з экспертамі
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары