Прэзідэнт Расіі Уладзімір Пуцін паведаміў, што прайшоў рэвакцынацыю ад каранавіруса расійскай вакцынай «Спутнік Лайт».
Пра гэта ён сказаў на сустрэчы з намеснікам дырэктара расійскага Нацыянальнага даследчага цэнтра эпідэміялогіі і мікрабіялогіі імя Гамалеі Дзянісам Логунавым.
«Сёння па вашай рэкамендацыі, па рэкамендацыі вашых калегаў я зрабіў сабе яшчэ адну прышчэпку — «Спутнікам Лайт». Гэта ўжо называецца рэвакцынацыя», — сказаў ён.
Пуцін заявіў, што добра сябе пачувае пасля праведзенай рэвакцынацыі.
«Што тычыцца бязбольнасці, то дзве гадзіны таму мне зрабілі. Але я нічога не адчуваю, нармальны стан, усё нармальна», — расказаў ён.
Каментары