Spiegel: У санкцыйным спісе ЕС будуць «Белавія», «Гродна Азот» і «Беларуснафта»
Нямецкае выданне Spiegel сцвярджае, што азнаёмілася з канфідэнцыйным спісам кампаній, якія трапілі ў пяты пакет санкцый Еўрасаюза, які будзе прыняты напрыканцы наступнага тыдня. У ім такія буйныя дзяржаўныя кампаніі, як «Белавія», «Гродна Азот» і «Беларуснафта».
Трапіла пад санкцыі беларуская турыстычная кампанія «ОскарТур», а таксама турэцкія і сірыйскія арганізацыі, якія дапамагалі мігрантам прыбываць у Беларусь. Па звестках выдання, «ОскарТур» афармляў візы і арганізоўваў палёты для мігрантаў, а таксама супрацоўнічаў з замежнымі авіякампаніямі, беларускімі ўладамі і дзяржаўнай турыстычнай кампаніяй «Цэнтркурорт», таксама ўключанай у спіс.
Як паведамляе нямецкая газета, у спісе таксама прадстаўнікі беларускага ўрада і сілавых структур, прычым трапілі яны ў яго не толькі за ўдзел у перавозцы мігрантаў, але і за парушэнне правоў чалавека і падтрымку рэжыму.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары