Cучасны Менск, бітма-набіткаваны гарадскімі легендамі, цяпер, здаецца, дачакаўся свайго летапісца. Летапісец трапіўся несамавіты і бесшабашны...
Трэба брацца за галаву і завязваць з прыгодамі. Праз два гады будзе дваццаць сем - узрост, ведаеце...
Але грошай па-ранейшаму бракуе, сонца як заўжды завабна ўсміхаецца, а менчучкі такія ж няўрымслівыя каханкі.
Эратычна-нецвярозыя прыгоды лірычнага героя Майкла Галдзянкова працягваюцца. Ён (у сэнсе лірычны герой, а не пісьменнік Майкл Галдзянкоў) – колішні ўдзельнік сэксуальнай рэвалюцыі сярэдіны 90-х і містычных падарожжаў на возера Балдук, цяпер, скончыўшы мінскі ін'яз, на вольных хлебах сталічнага журналіста. Пасля кнігі «Полёта дубовога листа» прыспела чарга новай порцыі менскіх прыгодаў – найглабальнейшага і найсур’ёзнейшага рамана «Гуано Жар-Птицы».
Кніга перасыпананая беларусізмамі, мінскізмамі, гультаізмамі і алкагалізмам. Калідоры рэдакцыяў «Знаменкі» і «Прессболу», клуб «Графіці», усюдыісная міліцэйскія нарады і гарадскія фрыкі, мітынгі перад прэзідэнцкімі выбарамі 2001 года. Зухаватыя прыгоды вясёлых гультаёў у аздабленні сталічных дэкарацыяў і персанажаў. Менск, бітма-набіткаваны гарадскімі легендамі, цяпер, здаецца, дачакаўся свайго летапісца пачатку дваццаць першага стагоддзя. Летапісец трапіўся несамавіты і бесшабашны, за што яму тлусты дзякуй ад чытачоў.
«Кніга пісалася, калі я працаваў у рэдакцыі «Знамя Юности» ў 2002-2003 годзе, - кажа Майкл Галдзянкоў, - Гэта быў час стагнацыі грамадства, нейкі брэжнеўскі застой (які дарэчы працягваецца і дагэтуль). У сваёй кнізе я хацеў адлюстраваць гэтую агульную млявасць, што разлілася тады па творчых калектывах. Хацеў напісаць пра людзей, якія не могуць знайсці выйсця свайму творчаму патэнцыялу. Напісаў: гляджу - атрымаўся сатырычны раман».
Самарэклама на задніку (куды ж без яе, любай?!) абвешчае «Гуано Жар-птіцы» «самай смешнай кнігай гэтага года». Мусіць быць… Прынамсі калі што лепей браць пачытаць на пакуль што ўгрэўныя жнівеньскія пляжы, дык «Гуано».
Майкл Голденков. Гуано Жар-Птицы. Роман. — Минск: Логвинов, 2009. - 426 ст., 500 экз.
Майкл Галдзянкоў – пісьменнік, журналіст і лінгвіст. Аўтар бестселера, дапаможніка па амерыканскім слэнгу «Осторожно: хот-дог!», а таксама папулярна-гістарычнай кнігі «Русь: другая история», у якой даводзіць, што маскоўская вэрсія гісторыі Русі поўная недакладнасцяў і перакручванняў. Аўтар ангельскіх тэкстаў для Паліны Смолавай і гурту «Лявоны». Жыве ў Менску. Любіць раён Грушаўка.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары