Як паведамляе прэс‑служба БДУ, цяпер студэнтам для аплаты не трэба падаваць квітанцыі, дагаворы і іншыя дакументы.
Дастаткова толькі прад’явіць у любым аддзяленні «Белінвестбанка» студэнцкі білет ці назваць нумар дагавора.Поўную інфармацыю пра парадак і тэрміны аплаты адукацыйных паслуг, такіх як навучанне, аднаўленне і пераводы, ліквідацыя акадэмічнай розніцы, студэнты БДУ могуць даведацца праз інтэрнет і ў разлікова‑касавых цэнтрах «Белінвестбанка».
З 1 снежня «Белінвестбанк» плануе даць студэнтам БДУ магчымасць ажыццяўляць аплату за навучанне праз банкаматы і інфакіёскі, а са студзеня 2010 года — праз інтэрнет.
Падобная сістэма аплаты за навучанне ўпершыню ўводзіцца ў беларускім ВНУ. Новай сістэмай пакуль не могуць скарыстацца студэнты трох інстытутаў БДУ: кіравання і сацыяльных тэхналогій (ДІКСТ), бізнесу і менеджменту тэхналогій і тэалогіі. Чакаецца, што новаўвядзенне стане даступным для іх з верасня.
Як адзначаюць у прэс‑службе, дзякуючы новай сістэме працэс аплаты за навучанне стаў больш празрыстым, адкрытым як для студэнтаў, так і для кіраўніцтва ВНУ. Яе ўкараненне стала магчымым дзякуючы сістэме ўліку платных паслуг і аператыўнага ўзаемадзеяння з ЗАТ «Белінвестбанк», якую распрацаваў Цэнтр інфармацыйных тэхналогій БДУ. Сістэма запрацавала дзякуючы спецыяльна ўстаноўленай ахоўваемай тэлекамунікацыйнай лініі з банкам.
Каментары