Jak paviedamlaje pres‑słužba BDU, ciapier studentam dla apłaty nie treba padavać kvitancyi, dahavory i inšyja dakumienty.
Dastatkova tolki pradjavić u lubym adździaleńni «Bielinviestbanka» studencki bilet ci nazvać numar dahavora.Poŭnuju infarmacyju pra paradak i terminy apłaty adukacyjnych pasłuh, takich jak navučańnie, adnaŭleńnie i pieravody, likvidacyja akademičnaj roźnicy, studenty BDU mohuć daviedacca praź interniet i ŭ raźlikova‑kasavych centrach «Bielinviestbanka».
Z 1 śniežnia «Bielinviestbank» płanuje dać studentam BDU mahčymaść ažyćciaŭlać apłatu za navučańnie praz bankamaty i infakijoski, a sa studzienia 2010 hoda — praź interniet.
Padobnaja sistema apłaty za navučańnie ŭpieršyniu ŭvodzicca ŭ biełaruskim VNU. Novaj sistemaj pakul nie mohuć skarystacca studenty troch instytutaŭ BDU: kiravańnia i sacyjalnych technałohij (DIKST), biźniesu i mieniedžmientu technałohij i teałohii. Čakajecca, što novaŭviadzieńnie stanie dastupnym dla ich ź vieraśnia.
Jak adznačajuć u pres‑słužbie, dziakujučy novaj sistemie praces apłaty za navučańnie staŭ bolš prazrystym, adkrytym jak dla studentaŭ, tak i dla kiraŭnictva VNU. Jaje ŭkaranieńnie stała mahčymym dziakujučy sistemie ŭliku płatnych pasłuh i apieratyŭnaha ŭzajemadziejańnia z ZAT «Bielinviestbank», jakuju raspracavaŭ Centr infarmacyjnych technałohij BDU. Sistema zapracavała dziakujučy śpiecyjalna ŭstanoŭlenaj achoŭvajemaj telekamunikacyjnaj linii z bankam.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary