У парламенце Францыі прайшлі слуханні па Беларусі. Прынятая рэзалюцыя з асуджэннем рэжыму Лукашэнкі
Учора ў Нацыянальным сходзе Францыі прайшлі слуханні па Беларусі, у якіх прымаў удзелу кіраўнік МЗС Жан-Іў Ле Дрыян. З 1 студзеня 2022 года Францыя на шэсць месяцаў стала старшынёй Рады Еўрасаюза, таму гэтая краіна будзе ў бліжэйшым паўгоддзі шмат у чым вызначаць акцэнты яго знешняй палітыкі.
Як піша ў сваім тэлеграм-канале аналітык Аляксандр Фрыдман, у выніку слуханняў была прынятая рэзкая рэзалюцыя з асуджэннем рэжыму Лукашэнкі, а сам міністр Ле Дрыян зрабіў шэраг прынцыповых заяў:
1. Парыж патрабуе вызвалення журналістаў і палітычных зняволеных: «Пакуль працягваюцца рэпрэсіі і ідзе задушэнне грамадзянскай супольнасці, ніякага дыялогу з Лукашэнкам быць не можа»;
2. Нелегітымнасць Лукашэнкі не з'яўляецца прадметам абмеркавання: «Аб прызнанні уладаў не можа быць гаворкі да тых часоў, пакуль у Беларусі не будуць арганізаваныя новыя свабодныя і празрыстыя выбары пад эгідай АБСЕ».
3. ЕС гатовы ўзмацніць санкцыі супраць рэжыму Лукашэнкі, але канкрэтныя рашэнні будуць прымацца ў залежнасці ад развіцця сітуацыі;
4. Ад будучага канстытуцыйнага рэферэндуму ў Беларусі Парыж нічога добрага не чакае: Ле Дрыян мяркуе, што гэты рэферэндум «несумненна» пройдзе ў стылі прэзідэнцкіх выбараў 2020 года.
Каментары