Такаеў патлумачыў няўдачы вайскоўцаў падчас пратэстаў у Казахстане няўпэўненасцю кіраўніцтва арміяй
Касым Жамарт Такаеў звольніў міністра абароны Мурата Бектанава. На думку прэзідэнта Казахстана, Бектанаў не праявіў камандзірскіх якасцяў у крытычнай сітуацыі.
Фота ТАСС
Пра гэта Такаеў заявіў, прадстаўляючы новага міністра абароны Руслана Жаксылыкава кіроўнаму складу ведамства.
«Міністр Бектанаў не праявіў камандзірскіх якасцяў. Маючы ў сваім распараджэнні армію, якая паказвала добрыя вынікі падчас камандна-штабных і вайсковых вучэнняў, мы не змаглі скарыстацца яе патэнцыялам у крытычнай сітуацыі і былі вымушаныя звярнуцца да дапамогі звонку», — сказаў Такаеў.
На яго думку, падчас студзеньскіх падзей «Узброеныя сілы з-за вельмі няўпэўненага і безыніцыятыўнага кіраўніцтва імі не змаглі з годнасцю выканаць пастаўленыя задачы».
Мажыліс Казахстана прагаласаваў за пазбаўленне Назарбаева пажыццёвых пасад
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню61
Каментары