Выйшаў кліп Касты пра катаванні ў паліцыі і турмах. У ім зняліся людзі, якіх катавалі сілавікі
Удзельнік гурта «Каста» Уладзі (Уладзіслаў Ляшкевіч) і «Камітэт супраць катаванняў» выпусцілі сумесны кліп «Артыкул, якога няма» аб гвалце над затрыманымі і асуджанымі. У ім зняліся людзі, якія падвяргаліся катаванням у расійскіх паліцыі ці папраўчай калоніі.
На YouTube-канале праваабарончай арганізацыі адзначаецца, што ў расійскім заканадаўстве да гэтага часу няма асобнага артыкула аб катаваннях, хоць у краіне ёсць тысячы іх ахвяраў.
Да акцыі далучыліся таксама буйныя незалежныя СМІ — «Медуза», «Медиазона», «Дождь», «Такие дела». Яны апублікавалі матэрыялы аб катаваннях і аб тым, чаму неабходна ўвесці асобны артыкул у крымінальны кодэкс. Тэкст публікацый надрукаваны белым шрыфтам на белым фоне.
Каментары