«Адчування свабоды не было ні кроплі». Журналістка пула Лукашэнкі «пакаялася» за ўдзел у маршы
Учора з'явілася фота журналісткі лукашэнкаўскага пула Вольгі Забеліч падчас марша каля стэлы 16 жніўня 2020 года. У каментары «Нашай ніве» Вольга заявіла, што ёй «нічога не здарыцца». Сёння ж на старонцы Забеліч з'явілася фота ў майцы з цытатай Лукашэнкі і пост пра «правільны выбар».
Большая частка допісу — пералік фактаў з асабістага жыцця і намёкі на іх Наталлі Казей, але ёсць і абзац з адказам «па сутнасці»:
«2020-ы год прайшоўся катком па кожнаму беларусу. Былі эмоцыі, невядомасць, небяспека здзейсніць памылку. І я яе зрабіла. Так, мы былі, Наташа, з табой на мітынгу 16 жніўня. Памятаю яго па хвілінах. Адчуванні свабоды не было ні кроплі. А вось пачуццё страху і няёмкасці не пакідала. Затое прыйшло дакладнае разуменне: гэты балаган народнай творчасці — дакладна не маё!!! І я шчаслівая, што зрабіла правільны выбар. Як, зрэшты, і на выбарах прэзідэнта, калі галасавала за Лукашэнку!»
Каментары