Напярэдадні канал атрымаў прадпісанне закрыць маскоўскае бюро да 9:00 у пятніцу. У гэты ж дзень журналісты Deutsche Welle, якія працуюць у Расіі, павінны здаць свае акрэдытацыі.
Маскоўскае бюро нямецкага тэлеканала Deutsche Welle закрылася пасля пастановы расійскіх уладаў спыніць яго вяшчанне, гаворыцца на сайце канала.
Пазней у пятніцу будуць адкліканыя акрэдытацыі журналістаў, удакладняецца ў паведамленні.
Бюро атрымала апавяшчэнне аб закрыцці напярэддадні, яму было загадана спыніць працу да 9:00 4 лютага. «Мы ўзрушаныя. Для ўсіх нас тут гэтая навіна вельмі асабістая <…>», — заявіў кіраўнік маскоўскага офіса Deutsche Welle Юрый Рэшата.
Увечары ў чацвер журналістам Deutsche Welle закрылі допуск у Дзярждуму па даручэнні яе старшыні Вячаслава Валодзіна.
Генеральны дырэктар тэлеканала Петэр Лімбур назваў пастанову расійскіх уладаў незразумелай і празмернай мерай. «Мы афіцыйна пратэстуем супраць гэтай абсурднай рэакцыі расійскага ўрада і прымем юрыдычныя дзеянні, каб аспрэчыць абвешчаныя меры», — заявіў ён.
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу27
Каментары