Беларускіх вайскоўцаў пашлюць у Сірыю. Праект пагаднення першай агучыла Масква
Прэм'ер-міністр Расіі Міхаіл Мішусцін даручыў Мінабароны і МЗС правесці перамовы і падпісаць з Беларуссю пагадненне аб супрацоўніцтве ў аказанні гуманітарнай дапамогі Сірыі, перадаюць «РИА Новости».
Прэм'ер Расіі Міхаіл Мішусцін даў распараджэнне міністэрству абароны і МЗС правесці перамовы і падпісаць з беларускім бокам пагадненне аб аказанні гуманітарнай дапамогі Сірыйскай Арабскай Рэспубліцы. У тэксце распараджэння, апублікаванага на інтэрнет-партале прававой інфармацыі, гаворыцца, што праект дакумента папярэдне прапрацаваны з Беларуссю.
Праект пагаднення рэгулюе пытанні, звязаныя з удзелам беларускіх вайскоўцаў у аказанні гуманітарнай дапамогі на сірыйскай тэрыторыі. Усе іх дзеянні будуць праходзіць сумесна з расійскімі падраздзяленнямі.
«Беларускі вайсковы кантынгент да 200 чалавек прыцягваецца да выканання мерапрыемстваў выключна ў гуманітарных мэтах па-за зонай баявых дзеянняў», — гаворыцца ў дакуменце.
Чытайце таксама:
«З'ядаюць суверэнітэт». Здабылі і прааналізавалі неапублічаныя дакументы аб інтэграцыі, якія падпісалі Лукашэнка і Пуцін
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары