У аўторак 15 лютага ў ДТЗ у Шчучынскім раёне загінулі сямігадовая дзяўчынка і яе 48-гадовая бабуля, паведамляе Следчы камітэт. Яны ехалі на таксі.
Аўтамабіль таксі пад кіраваннем 23-гадовага мужчыны рухаўся па трасе М6 з боку Менска. Недалёка ад вёскі Герніка Шчучынскага раёна пры павароце налева ён не саступіў дарогу мікрааўтобусу Volkswagen, з-за чаго аўтамабілі сутыкнуліся.
Аўтамабіль таксі апынуўся ў кювеце. Сямігадовая дзяўчынка — пасажыр таксі, загінула на месцы, а яе бабуля і кіроўца легкавушкі дастаўленыя ў рэанімацыю раённай бальніцы, дзе жанчына праз непрацяглы час памерла.
Кіроўца мікрааўтобуса атрымаў першую медыцынскую дапамогу, у шпіталізацыі ён патрэбы не меў.
Следчыя аглядаюць месца здарэння, дапытваюць сведак, плануецца прызначэнне некалькіх экспертных даследаванняў. У дачыненні да кіроўцы таксі распачатая крымінальная справа за парушэнне ПДР, што мела вынікам смерць.
Цяпер чытаюць
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы3
Каментары