«Я нічога не хачу даказваць. Я проста вам кажу — гэта мой сын». Маці палоннага расійскага салдата выступіла супраць вайны
Жыхарка Бураціі выйшла з пікетам у цэнтр Улан-Удэ пасля таго, як пазнала на адным з відэа з Украіны свайго сына-кантрактніка, які патрапіў у палон.«Я маці Сярожы Ачырава, якога ўчора паказвалі. Я не хачу, каб была вайна», — сказала яна журналістам.
Відэа з чалавекам, які прадстаўляецца Сяргеем Ачыравым, з'явілася ў Інтэрнэце ўчора. Яго маці Ірына пацвердзіла, што на відэа сапраўды яе сын.
«Я хачу, каб людзі зразумелі, што на самой справе гэта не фэйк, — сказала Ірына. — Вось, я яго мама. Вось ён мне патэлефанаваў, вось я ўбачыла гэта відэа.
Мне ўчора ўсе пачалі пісаць: «А вы дакажыце, што гэта не фэйк». Ды я нічога не хачу даказваць. Я проста вам кажу — гэта мой сын».
Цяпер чытаюць
Лукашэнка даручыў Кубракову разабрацца з тымі, хто п’е каву на АЗС, і навесці там «жалезны парадак»14
Каментары