У Доме футболу ў Мінску 13 жніўня прайшло лёсаванне 1/8 фіналу Кубку Беларусі, паведамляе сайт Беларускай федэрацыі футболу.
Уладальнік Кубку Беларусі наваполацкі «Нафтан» сустрэнецца з мазырскай «Славіяй» - камандай, што прадстаўляе першую лігу (г.зн. Д2).
Пяціразовы чэмпіён Беларусі барысаўскі БАТЭ згуляе з ФК «Мінск». Можна сказаць, што генеральная рэпетыцыя гэтага кубкавага процістаяння пройдзе ўжо ў гэту нядзелю, калі каманды сустрэнуцца між сабой у Барысаве, у рамках 15-га туру чэмпіянату Беларусі па футболе. Пачатак гэтага матчу а 19-й.
Адбудзецца адно дэрбі: ФК «Гомель» сустрэнецца з землякамі з – ДСК «Гомель», камандай, што сёлета прадстаўляе першую лігу.
Іншыя пары:
«Тарпеда» (Жодзіна) – «Верас» (Нясвіж, Д2)
«Граніт» (Мікашэвічы) – «Нёман» (Гродна)
МТЗ‑РІПА (Мінск) — «Полацк» (Д2)
«Дняпро» (Магілёў) — «Дынама» (Мінск),
«Белшына» (Бабруйск, Д2) – «Шахцёр» (Салігорск).
Каманды, пазначаныя першымі, правядуць першы матч дома.
Матчы 1/8 фіналу Кубку Беларусі па футболе пройдуць, калі скончыцца чэмпяінат. 11 лістапада — першыя гульні, 15 лістапада — матчы ў адказ.
Цяпер чытаюць
Як выглядаюць кватэры з сацыяльным рамонтам для чаргавікоў і колькі за іх просяць2
Каментары