Мінабароны Расіі выпусціла заяву, якая цалкам супярэчыць словам Лаўрова
«Абсалютна ніякіх задач па паражэнні цэляў на зямлі расійская авіяцыя ў раёне Марыупаля не выконвала. Авіяўдар, які нібыта адбыўся, — цалкам зрэжэсіраваная правакацыя, для падтрымання антырасійскага ажыятажу ў заходняй аўдыторыі», — заявілі ў ведамстве пра атаку на радзільню ў Марыупалі.
Афіцыйны прадстаўнік міністэрства абароны Расіі Ігар Канашэнкаў назваў паведамленні аб удары «інфармацыйнай правакацыяй кіеўскага рэжыму».
Гэта цалкам супярэчыць словам Лаўрова.
Пасля перамоваў у Турцыі кіраўнік МЗС Расіі заявіў, што ў абстралянай радзільні знаходзілася база батальёна «Азоў» і ён фактычна прызнаў абстрэл расійскім бокам.
«Гэтая радзільня даўно захопленая батальёнам «Азоў» і іншымі радыкаламі, адтуль выгналі ўсіх парадзіх, увесь медперсанал. Гэта была база ультрарадыкальнага батальёна «Азоў». Гэтыя даныя перадалі тры дні таму. Таму рабіце высновы самі», — заявіў Лаўроў.
Учора пра тое, што марыупальская радзільня стала базай для ўкраінскіх «нацбатаў», казала на брыфінгу таксама афіцыйная прадстаўніца расійскага МЗС Марыя Захарава.
Чытайце таксама:
Бамбаванне расійскімі войскамі радзільні ў Марыупалі — не выпадковасць. Прапагандыстка фактычна анансавала яго за некалькі гадзін да пачатку
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці5
Каментары