Юлю Гарачка асудзілі да года калоніі, але вызвалілі з-пад варты па прычыне адбыцця пакарання
У судзе Савецкага раёна Мінска вынесены прысуд па крымінальнай справе валанцёркі і актывісткі «Нашага Дома», палітзняволенай Юлі Гарачка.
Яе абвінавацілі ў «іншай падрыхтоўцы асоб для ўдзелу ў групавых дзеяннях, якія груба парушаюць грамадскі парадак, альбо актыўным ўдзеле ў іх» (ч. 2 арт. 342 КК РБ).
Па матэрыялах абвінавачвання, Юля «ажыццявіла падрыхтоўку не менш за 178 асоб для ўдзелу ў групавых дзеяннях, якія груба парушаюць грамадскі парадак» — жанчына ажыццяўляла кампенсацыю і аплату штрафаў і іншых выдаткаў ахвярам рэпрэсій.
Суддзя Сяргей Шаціла прысудзіў Юлі год калоніі ва ўмовах агульнага рэжыму. Прысудам суда залічаны ў тэрмін адбыцця пакарання час затрымання, а таксама час утрымання абвінавачанай пад вартай, у сувязі з чым пакаранне лічыцца адбытым — Гарачка вызваленая з-пад варты ў зале суда.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары