На сцяне вісіць драўляны дзяржаўны герб, а замест аглядальнай ямы — міні-кватэра на ўвесь падвал.
Унікальны аб'ект знаходзіцца ў гаражным кааператыве «Юбілейны-10», што непадалёк ад цэнтра Магілёва.
Звонку гэта звычайны цагляны гараж з жалезнай брамай. Унутры — салатавыя сцены, на адной з якіх вісіць драўляны дзяржаўны герб, белая столь, чатыры лямпы па баках і шэрая плітка на падлозе. На першы погляд гэта звычайны дагледжаны гараж, які выкарыстоўваюць выключна для захоўвання аўто, а не ягонага рамонту і абслугоўвання.
Самае цікавае ў гаражы знаходзіцца пад зямлёй. Замест звычайнай аглядальнай ямы тут драўляная лесвіца. А калі спусцішся па ёй, трапляеш у хол-кухню.
На 24,5 метрах там месціцца кухня з стальніцай, некалькімі шуфлядкамі, невялікай ракавінай, электрычным чайнікам і мікрахвалёўкай.
Побач ідуць дзверы, якія вядуць у прыбіральню. Насупраць — кладоўка з лядоўняй, а далей ідзе асноўны пакой з канапай, сталом і шафамі на ўсю сцяну.
Прадавец апісвае сваю кватэру-гараж як месца для знаўцаў гаражнага правядзення часу, дзе ўсё прадумана да дробязяў.
«У продажы эксклюзіўны цагляны гараж з падвалам, пераабсталяваным пад міні-кватэру з пакоем адпачынку, кухняй, туалетам, кладоўкай», — гаворыцца ў апісанні.
Праведзена цэнтральнае электра– і водазабеспячэнне. Зроблена мясцовая каналізацыя глыбінёй 5 метраў.
Прадавец запэўнівае, што гараж уцеплены, а ў падвале выканана якасная гідраізаляцыя.
«Якасна выканана сістэма вентыляцыі, дадаткова ўсталявана прытокавая. Пры продажы застаецца ўся мэбля, бытавая тэхніка, посуд. Усталяваная сігналізацыя», — напісана ў аб'яве.
За ўнікальны гараж у цэнтральнай частцы Магілёва з пазнакай «тэрмінова» просяць 16 500 даляраў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары