Вярхоўны суд Бразіліі на запыт паліцыі вынес пастанову аб блакаванні Telegram на тэрыторыі краіны, паведамілі CNN Brasil і Globo. Пастанова аб блакаванні ўжо накіравана мясцовым лічбавым платформам і правайдэрам. У выпадку адмовы ад яго выканання ім пагражае штраф да 100 тысяч рэалаў (20 тысяч даляраў) у дзень, паведамляе Meduza.io.
Суд патлумачыў блакаванне тым, што Telegram не выканаў папярэднія судовыя пастановы. У сваю чаргу паліцыя паказала суду на тое, што Telegram «вядомы сваёй пазіцыяй адмовы ад супрацоўніцтва з судовымі і паліцэйскімі органамі ў некалькіх краінах», гаворыцца ў судовых дакументах.
Раней адміністрацыя месенджара па патрабаванні бразільскіх уладаў заблакавала шэраг каналаў, якія былі прызнаны, што распаўсюджваюць ілжывую інфармацыю. У тым ліку канал аднаго з прыхільнікаў прэзідэнта краіны Жаіра Балсанару — блогера Алана душ Сантуша, які знаходзіцца пад следствам па справе аб распаўсюдзе фэйкавых навін і нападзе на суддзяў.
Пры гэтым, як адзначае BBC News, месенджар не выканаў іншую частку пастановы суда, у тым ліку не дала інфармацыю аб манетызацыі і фінансавых ахвяраваннях канала блогера.
-
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справа будзе даведзена да канца
-
У Пецярбургу прафесара арыштавалі па абвінавачванні ў дзяржздрадзе, бо публікацыі магла чытаць нарвежская разведка
-
Лаўроў назваў замах на генерала Аляксеева спробай сарваць перамовы
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні22
Каментары