МЗС: Беларусь да 15 красавіка будзе пускаць без віз усіх, хто ратуецца ад вайны ва Украіне
Замежнікаў, якія спрабуюць пакінуць зону баявых дзеянняў, у Беларусь пусцяць без віз. Пра гэта паведаміў прэс-сакратар беларускага МЗС Анатоль Глаз, піша Zerkalo.io.
— У сувязі з сітуацыяй кіраўніцтвам краіны ў парадку выключэння прынятае рашэнне аб дазволе бязвізавага ўезду на тэрыторыю Беларусі з Украіны, знаходжанне і наступны выезд з Беларусі да 15 красавіка 2022 года ўключна ўкраінцаў і грамадзян іншых замежных дзяржаў, якія спрабуюць пакінуць зону баявых дзеянняў, — паведаміў Анатоль Глаз.
Варта адзначыць, што для паездак у Беларусь візы ўкраінцам і раней не былі патрэбныя. Што тычыцца грамадзян іншых краін, то для іх правілы бязвізавага ўезду дзейнічалі толькі пры перасячэнні мяжы паветраным шляхам.
Сёння Беларусь абвясціла, што 12 украінскім дыпламатам прапанавана пакінуць нашу краіну. Ва ўкраінскім дыпламатычным прадстаўніцтве працаваць будзе дазволена паслу і 4 дыпламатам. Консульства Украіны ў Брэсце таксама будзе закрытае.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім23
Каментары