Інтэрнэт і СМІ

Украінцы запусцілі антываенную рэкламу на беларускую і расійскую аўдыторыю. Вынікі ўражваюць

У першыя дні вайны ўкраінскія маркетолагі запусцілі кампанію па актыўным прасоўванні антываеннай інфармацыі на расійскую аўдыторыю, у сакавіку справа дайшла да Беларусі. І вось што атрымалася. 

Украінская амбасада ў Мінску, куды прыносілі кветкі ў першыя дні вайны

Маркетолаг Андрэй Шараеўскі распавёў «Нашай Ніве», як адрозніваецца стаўленне да вайны сярод беларусаў і расейцаў.

«У канцы лютага мноства ўкраінскіх маркетолагаў сталі запускаць інфармацыйныя кампаніі, разлічаныя на Расію ў Facebook, Instagram і YouTube. Рабілі мы гэта таму, што тады ў нас яшчэ тлела надзея, што калі мы будзем трансляваць праўду ў Расію, то народ адумаецца, устане і пакажа свайму «цару», што ён не мае рацыю, — успамінае Шараеўскі. —

Нашыя спадзяванні былі марныя, мы сутыкнуліся з вельмі жорсткім інфармацыйным супрацівам з боку расейцаў. Яны не хочуць верыць нічому, усё называюць фэйкамі. Кажуць, што фатаграфіі разбітых калон мы намалявалі ў гульнях, а відэа — гэта наогул нарэзкі з серыялаў і г. д. Расейцы нам абсалютна не верылі».

Нізкую зацікаўленнасць антываеннай тэматыкай з боку расейцаў пацвердзіла і статыстыка рэкламных кампаній.

«Нягледзячы на актуальнасць тэмы, водгук нават на самыя папулярныя відэа складаў 8 — 10%. Гэта ніжэй за сярэдні нават у звычайнай рэкламе», — адзначае маркетолаг. —

Недзе 8-9 сакавіка ва Украіне стала з'яўляцца шмат інфармацыі аб тым, што беларускія войскі групуюцца каля мяжы з Украінай. Тады я разам з калегамі прыняў рашэнне, што надышоў час запускаць інфармацыйную кампанію на Беларусь. Вынікі нас прыемна здзівілі. Больш за тое, яны пераўзышлі ўсе самыя аптымістычныя спадзяванні.

Водгук сярод беларускай аўдыторыі быў у некалькі разоў вышэй, чым у карыстальнікаў з Расіі. CTR (водгук) па Беларусі складаў каля 30%, супраць 8 — 10% па РФ. Яшчэ адным паказчыкам можна адзначыць працэнт дагляду відэа ў YouTube, ён складаў парадку 25%, калі для рэкламы добрым лічыцца 5%», — дзеліцца вынікамі Шараеўскі.

Па падліках спецыяліста, агульная колькасць праглядаў кантэнту, накіраванага на Беларусь, склала не менш за два мільёны.

«Гэта толькі з таго, што я курыраваў асабіста. Аднак думаю, што ў рэальнасці ахоп беларускай аўдыторыі быў яшчэ большым.

Дзякуючы гэтай кампаніі мы ўбачылі, што беларусы моцна зацікаўленыя ўкраінскай праблематыкай, што ім у адрозненне ад расейцаў хочацца глядзець, разбірацца і даведвацца праўду.

Калі ад расейскай аўдыторыі мы часцей за ўсё чулі, што гэта ўсё фэйкі і хлусня, то беларусы наадварот вельмі часта падтрымлівалі, казалі, што мы з вамі, што мы за вас».

Чытайце таксама:

Толькі 3% беларусаў хочуць ваяваць з Украінай, большасць за неадкладны вывад расійскіх войскаў — вынікі апытання

Каментары

Цяпер чытаюць

У 55 гадоў памёр стваральнік брэнду Serge Сяргей Атрошчанка9

У 55 гадоў памёр стваральнік брэнду Serge Сяргей Атрошчанка

Усе навіны →
Усе навіны

Трамп узяў два тыдні, каб вызначыцца адносна Ірана24

У акупаваным Крыме зноў прадаюць знакамітую «Масандру»3

Кіраўніца расійскага Цэнтрабанка заявіла пра вычарпанне апошніх рэсурсаў росту расійскай эканомікі16

Ва Украіне прызначылі новага камандуючага Сухапутнымі войскамі2

З'явіўся ўказ, які дазваляе прыватызаваць арэнднае жыллё1

Іран і ЗША непублічна вялі прамыя перамовы пасля ўдараў Ізраіля

Палітвязня Наліўку падмануў палітвязень Абрамук — забраў падтрымку, якую той павінен быў атрымаць па вызваленні15

Магіла акадэміка Карскага ў Пецярбургу ўся зарасла баршчэўнікам ФОТАФАКТ15

Славацкі палітолаг, былы кіраўнік амерыканскага фонду PACT лабіруе збліжэнне з Лукашэнкам8

больш чытаных навін
больш лайканых навін

У 55 гадоў памёр стваральнік брэнду Serge Сяргей Атрошчанка9

У 55 гадоў памёр стваральнік брэнду Serge Сяргей Атрошчанка

Галоўнае
Усе навіны →

Заўвага:

 

 

 

 

Закрыць Паведаміць