ЗША і Вялікабрытанія пра магчымыя дамоўленасці з Расіяй: Важныя не словы, а справы
Услед за заявамі кіраўніка расійскай дэлегацыі на перамовах з Украінай Уладзіміра Мядзінскага аб тым, што, маўляў, «Расія зрабіла два велізарныя крокі да міру», дзяржсакратар ЗША Энтані Блінкен сказаў, што «пакуль не бачыў нічога, што паказвае на эфектыўны рух наперад, таму што мы не бачылі прыкметаў рэальнай сур'ёзнасці», паведамляе Бі-бі-сі.
Пра гэта дзяржсакратар ЗША заявіў на прэс-канферэнцыі ў Марока, дзе ён знаходзіцца з візітам. «Ёсць тое, што Расія кажа, а ёсць тое, што Расія робіць, — падкрэсліў Блінкен. — Мы сканцэнтраваныя на апошнім».
Прадстаўнік брытанскага прэм'ер-міністра выказаўся аналагічна: «Мы будзем судзіць Пуціна і ягоны рэжым не па словах, а па справах».
«Мела месца некаторае скарачэнне расійскіх абстрэлаў вакол Кіева, шмат у чым дзякуючы таму, што ўкраінскія сілы паспяхова адбіваюць расійскія наступы на паўночны захад ад горада. Але баі працягваюцца. У Марыупалі і іншых месцах моцныя абстрэлы працягваюцца.
Мы не жадаем убачыць нічога меншага, чым поўны вывад расійскіх сілаў з украінскай тэрыторыі», — дадаў прэс-сакратар.
Цяпер чытаюць
Як выглядаюць кватэры з сацыяльным рамонтам для чаргавікоў і колькі за іх просяць2
Каментары